رمضان کے روزے دوسرے
رمضان کے آنے تک مؤخر کرنے کا حکم
الحمد
لله والصلاة والسلام على رسول الله أما بعد!
علماء
كرام اس بات پر متفق ہيں كہ جس نےبھی رمضان المبارك كےروزےکسی بناپرنہ ركھے اس
پرآئندہ رمضان آنے سے قبل روزوں كي قضاء كرني واجب ہے . اسکی دلیل حضرت عائشہ
صدیقہ رضی الله عنہا کی حدیث ہے:
"عَنْ أَبِي سَلَمَةَ ، قَالَ : سَمِعْتُ عَائِشَةَ رَضِيَ اللَّهُ عَنْهَا تَقُولُ : كَانَ يَكُونُ عَلَيَّ الصَّوْمُ مِنْ رَمَضَانَ، فَمَا أَسْتَطِيعُ أَنْ أَقْضِيَ إِلَّا فِي شَعْبَانَ. قَالَ يَحْيَى : الشُّغْلُ مِنَ النَّبِيِّ، أَوْ بِالنَّبِيِّ صَلَّى اللَّهُ عَلَيْهِ وَسَلَّمَ".(رواہ البخاری:1950)
عائشہ رضي اللہ تعال بيان
كرتي ہيں كہ: (ميرے ذمہ رمضان المبارك كےروزہ ہوتے تو ميں اس كي قضاء شعبان
كےعلاوہ كسي اور مہينہ ميں نہیں كرسكتي تھي، اور يہ نبي كريم صلي اللہ صلي اللہ
عليہ وسلم كے مرتبہ كي بنا پر) صحيح بخاري (1950) صحيح مسلم (1146)
حافظ ابن حجر رحمہ اللہ
تعالي كہتےہيں: عائشہ رضي اللہ تعالي عنہا كي شعبان ميں حرص كي بنا پر يہ دلیل
پکڑی جا سكتی ہے كہ رمضان كےروزوں كي قضاء ميں اتني تاخير كرني جائز نہيں كہ دوسرا
رمضان شروع ہوجائے اھ . اور اگر كسي نے رمضان كي قضاء ميں اتنی تاخير كردی كہ دوسرا
رمضان بھي شروع ہوگيا تويہ دوصورتوں سے خالی نہيں :
پہلی صورت : يہ تاخير كسی عذر كي بنا
پر ہو، مثلا اگروہ مريض تھا اور دوسرا رمضان شروع ہونے تک وہ بيمار ہی رہا تواس پر
تاخير كرنے ميں كوئی گناہ نہيں كيونكہ يہ معذور ہے، اوراس كےذمہ قضاء كےعلاوہ كچھ
نہيں لہذا وہ ان ايام كي قضاء كرے گا جواس نے چھوڑے تھے.
دوسري صورت : بنا كسی عذر كےتاخير كرنا
: مثلا اگر وہ قضاء كرنا چاہتا تو كرسكتا تھا ليكن اس نےآئندہ رمضان شروع ہونےتک
قضاء كےروزے نہيں ركھے . تو يہ شخص بغير كسي عذر كےقضاء ميں تاخير كرنے پر گنہگار
ہوگا، اور علماء كرام كا متفقہ فيصلہ ہے كہ اس پر قضاءلازم ہے، ليكن قضاء كےساتھ
ہر دن كےبدلے ايك مسكين كوكھانا كھلانے ميں اختلاف ہے كہ آيا وہ كھانا كھلائے يا
نہيں ؟ امام مالك، امام شافعي اور امام احمد رحمھم اللہ تعالي كہتے ہيں كہ اس
كےذمہ كھانا ہے اور انہوں نےاس سے استدلال كيا ہے كہ: بعض صحابہ كرام مثلا
ابوھريرہ اور ابن عباس رضي اللہ تعالي عنھم سے يہ ثابت ہے . اور امام ابو حنيفہ
رحمہ اللہ تعالي كہتےہيں كہ قضاء كےساتھ كھانا كھلانا واجب نہيں . انہوں اس سے
استدلال كيا ہے كہ: اللہ تعالي نے رمضان ميں روزہ چھوڑنے والےكوصرف قضاء كا حكم
ديا ہے اور كھانا كھلانے كاذكر نہيں كيا، فرمان باري تعالي ہے:
" وَ مَنۡ کَانَ مَرِیۡضًا اَوۡ عَلٰی سَفَرٍ فَعِدَّۃٌ مِّنۡ اَیَّامٍ اُخَرَ ؕ یُرِیۡدُ اللّٰہُ بِکُمُ الۡیُسۡرَ وَ لَا یُرِیۡدُ بِکُمُ الۡعُسۡرَ ۫ وَ لِتُکۡمِلُوا الۡعِدَّۃَ وَ لِتُکَبِّرُوا اللّٰہَ عَلٰی مَا ہَدٰىکُمۡ وَ لَعَلَّکُمۡ تَشۡکُرُوۡن"(البقرۃ)َ ﴿۱۸۵﴾
{ہاں جو بیمار ہو یا
مسافر ہو اُسے دوسرے دنوں یہ گنتی پوری کرنی چاہیے اللہ تعالٰی کا ارادہ تمہارے
ساتھ آسانی کا ہے سختی کا نہیں وہ چاہتا ہے تم گنتی پوری کرلو اور اللہ تعالٰی کی
دی ہوئی ہدایت پر اس طرح کی بڑائیاں بیان کرو اور اس کا شکر ادا کرو} ۔ ديكھيں: المجوع ( 6 / 366 ) المعني ( 4
/ 400 )
اورامام بخاري رحمہ اللہ
نے اپني صحيح بخاري ميں اس دوسرے قول كو ہي اختيار كيا ہے. امام بخاري كہتےہيں:
ابراھيم
نخعي رحمہ اللہ تعالي كہتےہيں: جب كسي نے كوتاہی كي حتي كہ دوسرا رمضان شروع ہوگيا
تووہ روزے ركھےگا اور اس كےذمہ كھانا كھلانا نہيں اور ابي ھريرہ رضي اللہ اورابن
عباس رضي اللہ تعالي عنھم سے مرسلا مروي ہےكہ وہ كھانا كھلائےگا، پھر امام بخاري
كہتے ہيں: اور اللہ تعالي نے كھانا كھلانےكا ذكر نہيں كيا بلكہ يہ فرمايا: ( دوسرے
ايام ميں گنتي پوري كرے ) اھ .
اور شيخ ابن عثيمين
رحمہ اللہ تعالي كھانا كےعدم وجوب كا فيصلہ كرتے ہوئے كہتےہيں:
اور
رہا صحابہ كرام رضوان اللہ عليھم اجمعين كےاقوال جب قرآن مجيد كےظاہرا خلاف ہوں تو
اسے حجت ماننا محل نظر ہے، اور يہاں كھانا كھلانا قرآن مجيد كےظاہرا خلاف ہے
كيونكہ اللہ تعالي نے توصرف دوسرے ايام ميں گنتي پوري كرنا واجب قرار ديا ہے، اس
سےزيادہ كچھ واجب نہيں كيا، تواس بنا پر ہم اللہ كےبندوں پروہ لازم نہيں
كرينگےجواللہ تعالي نےان پرلازم نہيں كيا ليكن اگر دليل مل جائے توپھر تا كہ ذمہ سے
بري ہوسكيں، ابن عباس اور ابو ھريرہ رضي اللہ تعالي عنھم سےجومروي ہے يہ ممكن ہےكہ
اسے استحباب پر محمول كيا جائے نہ كہ وجوب پر، تواس مسئلہ ميں صحيح يہي ہےكہ اس پر
روزوں سے زيادہ كسي چيز كو لازم نہيں كيا جائےگا، ليكن تاخير كي بنا پر وہ گنہگار
ضرور ہے. اھ ديكھيں: الشرح الممتع ( 6 / 451 )
اور اس بناپر واجب
توصرف قضاء ہي ہے، اور جب انسان احتياط كرنا چاہے تو ہر دن كےبدلے ايك مسكين كو
كھانا بھي كھلائے توبہتر اوراحسن اقدام ہوگا. (اگر اس نے بغير كسي عذر كےتاخير كي
ہے تو ) .
اللہ
تعالي سے دعا ہے كہ وہ ہميں اپني رضا و خوشنودي اور پسند كےكام كرنے كي توفيق عطا
فرمائے آمین یا رب العالمین۔
